ច្បាប់ស្តីពីសារពើពន្ធផ្តល់អំណាចដល់រដ្ឋបាលសារពើពន្ធក្នុងការធ្វើសវនកម្មលើសកម្មភាពរបស់អ្នកជាប់ពន្ធ និងកំណត់ពន្ធឡើងវិញ ប្រសិនបើអ្នកជាប់ពន្ធមិនអនុវត្តតាមច្បាប់ស្តីពីសារពើពន្ធ និងច្បាប់ស្តីពីវិសោធនកម្មលើច្បាប់ស្តីពីសារពន្ធ និងបទប្បញ្ញត្តិនានាស្តីពីពន្ធដារ។ រដ្ឋបាលសារពើពន្ធ មានរយៈពេល៣ (បី) ឆ្នាំ ក្រោយថ្ងៃដាក់លិខិតប្រកាសពន្ធប្រចាំខែ ឬប្រចាំឆ្នាំ ដើម្បីធ្វើការកំណត់ពន្ធឡើងវិញ។ ក៏ប៉ុន្តែរយៈពេលនេះ អាចពន្យារដល់ ១០ (ដប់) ឆ្នាំ ប្រសិនបើមានភស្តុតាងបញ្ជាក់ថាអ្នកជាប់ពន្ធបានរាំងស្ទះដល់ការអនុវត្តនូវបទប្បញ្ញត្តិស្តីពីពន្ធដារ។ និយមន័យនៃការរាំងស្ទះមានអត្ថន័យទូលំទូលាយណាស់ និងរួមមាន ការមិនដាក់លិខិតប្រកាសពន្ធក្នុងរយៈពេល ៣០ (សាមសិប) ថ្ងៃក្រោយថ្ងៃផុតកំណត់។ ការកំណត់ពន្ធឡើងវិញដោយរដ្ឋបាលសារពើពន្ធ ផ្អែកលើលិខិតប្រកាសពន្ធប្រចាំខែ និងប្រចាំឆ្នាំរបស់អ្នកជាប់ពន្ធ។ លើសពីនេះទៅទៀត រដ្ឋបាលសារពើពន្ធ អាចពឹងផ្អែកលើលិខិតប្រកាស និងព័ត៌មានផ្សេងៗទៀតដែលអ្នកជាប់ពន្ធបានផ្ញើ ព្រមទាំងព័ត៌មាននានាដែលរដ្ឋបាលសារពើពន្ធបានទទួលមកពីប្រភពផ្សេងៗទៀត។ ការកំណត់ពន្ធអាចត្រូវបានពិចារណាតាមចិត្ត ព្រមទាំងអាចនឹងមិនផ្អែកលើចំណូល ឬចំណាយ ជាក់ស្តែង ឬគណនីគ្រប់គ្រង ឬគណនីស្របច្បាប់ផ្សេងៗទៀត។ បន្ទុកភស្តុតាង គឺស្ថិតនៅលើអ្នកជាប់ពន្ធ ប្រសិនបើមានវិវាទកើតឡើងពាក់ព័ន្ធនឹងការកំណត់ពន្ធឡើងវិញណាមួយ ដែលបានធ្វើឡើងដោយរដ្ឋបាលសារពើពន្ធ។ ប្រាក់ពន្ធបន្ថែមត្រូវអនុវត្តចំពោះបទល្មើសបទប្បញ្ញត្តិស្តីពីពន្ធដារ។ កម្រិតនៃការពិន័យពន្ធបន្ថែមអាស្រ័យលើលក្ខណៈនៃការល្មើស ហើយត្រូវបានកំណត់ដូចខាងក្រោម៖
- ប្រាក់ពន្ធបន្ថែមត្រូវស្មើនឹង ១០%នៃចំនួនប្រាក់ពន្ធដែលបង់ខ្វះ បូកបន្ថែមការប្រាក់១.៥% នៃចំនួនប្រាក់ពន្ធដែលបង់ខ្វះសម្រាប់ខែនីមួយៗ ឬចំណែកនៃខែដែលចំនួនប្រាក់ពន្ធខ្វះមិនទាន់បានបង់ ប្រសិនបើអ្នកជាប់ពន្ធ ឬភ្នាក់ងារកាត់ទុក ត្រូវបានចាត់ទុកថាមានការធ្វេសប្រហែស។ អ្នកជាប់ពន្ធ ឬភ្នាក់ងារកាត់ទុក ត្រូវបានចាត់ទុកថាធ្វេសប្រហែស បើសិនជាប្រាក់ពន្ធដែលបានបង់មានចំនួនតិចជាងប្រាក់ពន្ធដែលកំណត់ដោយបទប្បញ្ញត្តិស្តីពីពន្ធដារ មិនលើសពី១០ភាគរយ ឬបើសិនជាអ្នកជាប់ពន្ធមិនបានដាក់លិខិតប្រកាសសារពើពន្ធ ឬមិនបានបង់ពន្ធតាមកាលបរិច្ឆេទដែលច្បាប់បានកំណត់។
- ប្រាក់ពន្ធបន្ថែមត្រូវស្មើនឹង ២៥%នៃចំនួនប្រាក់ពន្ធដែលបង់ខ្វះ បូកបន្ថែមការប្រាក់១.៥% នៃចំនួនប្រាក់ពន្ធដែលបង់ខ្វះសម្រាប់ខែនីមួយៗ ឬចំណែកនៃខែដែលប្រាក់ពន្ធខ្វះមិនទាន់បានបង់ ប្រសិនបើអ្នកជាប់ពន្ធ ឬភ្នាក់ងារកាត់ទុក ត្រូវបានចាត់ទុកថាមានការធ្វេសប្រហែសធ្ងន់ធ្ងរ។ អ្នកជាប់ពន្ធ ឬភ្នាក់ងារកាត់ទុក ត្រូវបានចាត់ទុកថាមានការធ្វេសប្រហែសធ្ងន់ធ្ងរ បើសិនជាប្រាក់ពន្ធដែលបានបង់ មានចំនួនតិចជាងប្រាក់ពន្ធដែលបានកំណត់ដោយបទប្បញ្ញត្តិស្តីពីពន្ធដារ លើសពី១០ភាគរយ។
- នៅពេលដែលអ្នកជាប់ពន្ធ ទទួលនូវការកំណត់ពន្ធជាឯកតោភាគី ប្រាក់ពន្ធបន្ថែមត្រូវស្មើនឹង ៤០% នៃចំនួនប្រាក់ពន្ធដែលបង់ខ្វះ បូកបន្ថែមការប្រាក់១.៥% នៃចំនួនប្រាក់ពន្ធដែលបង់ខ្វះសម្រាប់ខែនីមួយៗ ឬចំណែកនៃខែដែលប្រាក់ពន្ធខ្វះមិនទាន់បានបង់។ ការប្រាក់មិនត្រូវអនុវត្តទេ ក្នុងរយៈពេលកំណត់ពន្ធឡើងវិញតាមមាត្រា១១៨ នៃច្បាប់ស្តីពីសារពើពន្ធ ឬក្នុងរយៈពេល៣០ថ្ងៃក្រោយការប្រគល់លិខិតទារបំណុលពន្ធ។ រដ្ឋបាលសារពើពន្ធអាចធ្វើការកំណត់ពន្ធជាឯកតោភាគីទៅឲ្យអ្នកជាប់ពន្ធ ក្នុងករណីដែលអ្នកជាប់ពន្ធមិនបានរក្សាបញ្ជីគណនេយ្យ ឬឯកសារផ្សេងទៀត ឲ្យបានត្រឹមត្រូវ ស្របតាមច្បាប់ស្តីពីសារពន្ធកម្ពុជា។
ក្រុមហ៊ុន រ៉ូយ៉ាល់ ថឺថល ថាកស៍ ខនសាល់ធីង ឯ.ក (រ.ថ.ថ.ខ) គឺជាក្រុមហ៊ុនឯកជនទទួលខុសត្រូវមានកម្រិតមួយ ត្រូវបានបង្កើតឡើងជាផ្លូវការនាខែមីនា ឆ្នាំ២០២១ នៅរាជធានីភ្នំពេញ នៃព្រះរាជាណាចក្រកម្ពុជា ដោយម្ចាស់ភាគហ៊ុនខ្មែរ១០០% ក្នុងគោលបំណងដើម្បីជួយដោះស្រាយបញ្ហាបច្ចេកទេសទាក់ទងនឹងកិច្ចការពន្ធដារ និងការចុះបញ្ជីអាជីវកម្មថ្មី ជូនដល់អ្នកជាប់ពន្ធ ព្រមទាំងជួយអ្នកជាប់ពន្ធឲ្យអនុវត្តកាតព្វកិច្ចសារពើពន្ធបានត្រឹមត្រូវ។ រ.ថ.ថ.ខ គឺជាក្រុមហ៊ុនពន្ធមួយ ដែលត្រូវបានផ្តល់អាជ្ញាប័ណ្ណឲ្យធ្វើប្រតិបត្តិការជាភ្នាក់ងារសេវាកម្មពន្ធដារនៅក្នុងព្រះរាជាណាចក្រកម្ពុជា។ ការិយាល័យដែលបានចុះបញ្ជីរបស់យើងខ្ញុំមានទីតាំងស្ថិតនៅ #បន្ទប់ឯកជនលេខ G04 ផ្ទះលេខ១៦បេ ផ្លូវ៣២០ ភូមិ៦ សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ។
យើងខ្ញុំមានផ្តល់ជូននូវសេវាកម្មដូចខាងក្រោម៖
- សេវាប្រកាសពន្ធប្រចាំខែ និងប្រចាំឆ្នាំ
- សេវាពិគ្រោះយោបល់លើផ្នែកពន្ធដារ
- សេវាចុះបញ្ជី និងកែប្រែព័ត៌មានសហគ្រាសនៅក្រសួងពាណិជ្ជកម្ម អគ្គនាយកដ្ឋានពន្ធដារ និងក្រសួងការងារ និងបណ្តុះបណ្តាលវិជ្ជាជីវៈ
- សេវាចុះបញ្ជីសហគ្រាសនៅ បេឡាជាតិរបបសន្តិសុខសង្គម (ប.ស.ស)
- សេវាស្នើសុំអាជ្ញាប័ណ្ណផ្សេងៗ នៅក្រសួងពាក់ព័ន្ធ
- សេវាតម្កល់ប្រតិវេទន៍សហគ្រាសប្រចាំឆ្នាំ នៅក្រសួងពាណិជ្ជកម្ម
- សេវាលើការផ្អាក និងបិទអាជីវកម្ម
- សេវាស្នើសុំហត្ថពលកម្មបរទេស (កូតា) នៅក្រសួងការងារ និងបណ្តុះបណ្តាលវិជ្ជាជីវៈ
- សេវាស្នើសុំសៀវភៅការងារជនជាតិខ្មែរ និងប័ណ្ណការងារជនបរទេស
- សេវាទាក់ទងនឹងកិច្ចការពន្ធដារ និងកិច្ចការចុះបញ្ជីផ្សេងៗទៀត
យើងខ្ញុំជួយអតិថិជនរបស់យើងខ្ញុំចុះបញ្ជីនិងកែប្រែព័ត៌មាននៅក្រសួងពាណិជ្ជកម្ម អគ្គនាយកដ្ឋានពន្ធដារ និងក្រសួងការងារ និងបណ្តុះបណ្តាលវិជ្ជាជីវៈ រៀបចំនិងដាក់លិខិតប្រកាសពន្ធទៅអគ្គនាយកដ្ឋានពន្ធដារ រក្សាកំណត់ត្រានិង/ឬព័ត៌មានទាក់ទងនឹងពន្ធ សាកសួរអំពីបញ្ហាទាក់ទងនឹងពន្ធជាមួយអគ្គនាយកដ្ឋានពន្ធដារ ដាក់ពាក្យស្នើសុំពិចារណាឡើងវិញនូវការសម្រេចចិត្តដែលចេញដោយអគ្គនាយកដ្ឋានពន្ធដារ…។ ល។
ប្រសិនបើលោកអ្នកគិតនឹងបង្កើតអាជីវកម្ម ឬកំពុងស្វែងរកសេវាកម្មដូចរៀបរាប់ជូនខាងលើពីក្រុមហ៊ុនដែលត្រូវបានផ្តល់អាជ្ញាប័ណ្ណឱ្យធ្វើប្រតិបត្តិការជាភ្នាក់ងារសេវាកម្មពន្ធដារនៅក្នុងព្រះរាជាណាចក្រកម្ពុជា លោកអ្នកមកចំកន្លែងហើយ។ សូមទំនាក់ទំនងមកកាន់យើងខ្ញុំឥឡូវនេះតាមរយៈទូរស័ព្ទលេខ (+៨៥៥) ៧៧ ៧៧៦ ៣៣៣ សម្រាប់ការពិគ្រោះយោបល់ដោយឥតគិតថ្លៃ។ សូមអរគុណ!