អំពីយើងខ្ញុំ

ក្រុមហ៊ុន រ៉ូយ៉ាល់ ថឺថល ថាកស៍ ខនសាល់ធីង ឯ.ក (រ.ថ.ថ.ខ) គឺជាក្រុមហ៊ុនឯកជនទទួលខុសត្រូវមានកម្រិតមួយ ត្រូវបានបង្កើតឡើងជាផ្លូវការនាខែមីនា ឆ្នាំ២០២១ នៅរាជធានីភ្នំពេញ នៃព្រះរាជាណាចក្រកម្ពុជា ដោយម្ចាស់ភាគហ៊ុនខ្មែរ១០០% ក្នុងគោលបំណងដើម្បីជួយដោះស្រាយបញ្ហាបច្ចេកទេសទាក់ទងនឹងកិច្ចការពន្ធដារ និងការចុះបញ្ជីអាជីវកម្មថ្មី​ ជូនដល់អ្នកជាប់ពន្ធ ព្រមទាំងជួយអ្នកជាប់ពន្ធឲ្យអនុវត្តកាតព្វកិច្ចសារពើពន្ធបានត្រឹមត្រូវ។  រ.ថ.ថ.ខ គឺជាក្រុមហ៊ុនពន្ធមួយ ដែលត្រូវបានផ្តល់អាជ្ញាប័ណ្ណឲ្យធ្វើប្រតិបត្តិការជាភ្នាក់ងារសេវាកម្មពន្ធដារនៅក្នុងព្រះរាជាណាចក្រកម្ពុជា។ ការិយាល័យដែលបានចុះបញ្ជីរបស់យើងខ្ញុំមានទីតាំងស្ថិតនៅ #បន្ទប់ឯកជនលេខ G04 ផ្ទះលេខ១៦បេ ផ្លូវ៣២០ ភូមិ៦ សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ។  

តើហេតុអ្វីជ្រើសរើសក្រុមហ៊ុនយើងខ្ញុំ?

ដើម្បីងាយស្រួលក្នុងការផ្តល់ចម្លើយ សូមអតិថិជនអានខ្លឹមសារដើមដែលយើងខ្ញុំបានចម្លងទាំងស្រុងចេញពីប្រកាសលេខ ៤៥៥ សហវ ប្រក.​ ត្រង់ប្រការ១៦ ចំណុចទី៣ និងទី៤ ដូចខាងក្រោមនេះ ៖

ប្រកាសស្តីពីភ្នាក់ងារសេវាកម្មពន្ធដារលេខ ៤៥៥ សហវ ប្រក. ចុះថ្ងៃទី១២ ខែមេសា ឆ្នាំ២០១៣​ របស់ក្រសួងសេដ្ឋកិច្ច និងហិរញ្ញវត្ថុ  (ប្រការ ១៦ ចំណុចទី៣ និង​ចំណុចទី៤ ) ប្រការ១៦ : បទល្មើស និងទោសទណ្ឌ ៣. បុគ្គលដែលពុំមែនជាភ្នាក់ងារសេវាកម្មពន្ធដារ ធ្វើអាជីវកម្មភ្នាក់ងារសេវាកម្មពន្ធដារដោយគ្មានអាជ្ញាប័ណ្ណ ត្រូវចាត់ទុកថាប្រព្រឹត្តអំពើរាំងស្ទះដូចមានចែងក្នុងមាត្រា១២៨ និងត្រូវទទួលរងការផ្តន្ទាទោសតាមមាត្រា១៣៦ នៃច្បាប់ស្តីសារពើពន្ធ ដោយពិន័យជាប្រាក់ពី ៥.០០០.០០០ រៀល (ប្រាំលានរៀល) ដល់ ១០.០០០.០០០ រៀល (ដប់លានរៀល) ឬជាប់ពន្ធនាគារពី១ខែ ដល់១ឆ្នាំ ឬទោសទាំងពីរនេះ ចំពោះរូបវន្តបុគ្គល ឬអ្នកទទួលខុសត្រូវរបស់ក្រុមហ៊ុននីតិបុគ្គល និងក្រុមអាជីវកម្ម រួមមាន នាយក​ ឬបណ្ណាធិការ ឬកម្មសិទ្ធិករម្នាក់ដែលកានកាប់ភាគហ៊ុន ឬសិទ្ធិបោះឆ្នោតលើសពី៥០% ។ ៤. អ្នកជាប់ពន្ធតាមរបបពិត ដែលទទួលការផ្គត់ផ្គង់សេវាកម្មពន្ធដារ ពីបុគ្គលដែលពុំមែនជាភ្នាក់ងារសេវាកម្មពន្ធដារ ដែលធ្វើអាជីវកម្មភ្នាក់ងារសេវាកម្មពន្ធដារដោយគ្មានអាជ្ញាប័ណ្ណ ត្រូវរងពិន័យជាប្រាក់ ៥.០០០.០០០ រៀល (ប្រាំលានរៀល)។

ចម្លើយ៖ មូលហេតុនៃការជ្រើសរើសក្រុមហ៊ុនរបស់យើងខ្ញុំ គឺ៖

• រវាងក្រុមហ៊ុនយើងខ្ញុំ និងបុគ្គលដែលពុំមែនជាភ្នាក់ងារសេវាកម្មពន្ធដារ ដែលធ្វើអាជីវកម្មភ្នាក់ងារសេវាកម្មពន្ធដារដោយគ្មានអាជ្ញាប័ណ្ណ៖
  • ក្រុមហ៊ុនរបស់យើងខ្ញុំគឺជាក្រុមហ៊ុនពន្ធមួយ ដែលត្រូវបានផ្តល់អាជ្ញាប័ណ្ណឲ្យធ្វើប្រតិបត្តិការជាភ្នាក់ងារសេវាកម្មពន្ធដារនៅក្នុងព្រះរាជាណាចក្រកម្ពុជាយ៉ាងពិតប្រាកដ។​ ដូច្នេះ អតិថិជនដែលទទួលការផ្គត់ផ្គង់សេវាកម្មពន្ធដារពីខាងក្រុមហ៊ុនយើងខ្ញុំ មិនត្រូវរងពិន័យដូចមានចែងក្នុងប្រការ១៦ ចំណុច៤ នៃប្រកាសលេខ ៤៥៥ សហវ ប្រក. ខាងលើទេ។
  • ផ្ទុយទៅវិញ ប្រសិនបើអតិថិជនទទួលការផ្គត់ផ្គង់សេវាកម្មពន្ធដារពីបុគ្គលដែលពុំមែនជាភ្នាក់ងារសេវាកម្មពន្ធដារ ដែលធ្វើអាជីវកម្មភ្នាក់ងារសេវាកម្មពន្ធដារដោយគ្មានអាជ្ញាប័ណ្ណ អតិថិជននឹងត្រូវរងពិន័យជាប្រាក់ ៥,០០០,០០០ រៀល (ប្រាំលានរៀល) ដូចមានចែងក្នុងប្រការ១៦ ចំណុច៤ នៃប្រកាសលេខ ៤៥៥ សហវ ប្រក. ខាងលើ។
  • បុគ្គលដែលពុំមែនជាភ្នាក់ងារសេវាកម្មពន្ធដារ ដែលធ្វើអាជីវកម្មភ្នាក់ងារសេវាកម្មពន្ធដារដោយគ្មានអាជ្ញាប័ណ្ណអាចជា រូបវន្តបុគ្គល ឬអ្នកទទួលខុសត្រូវរបស់ក្រុមហ៊ុននីតិបុគ្គល និងក្រុមអាជីវកម្ម រួមមាន នាយក​ ឬបណ្ណាធិការ ឬកម្មសិទ្ធិករម្នាក់ដែលកានកាប់ភាគហ៊ុន ឬសិទ្ធិបោះឆ្នោតលើសពី៥០%។ អតិថិជនណាដែលទទួលការផ្គត់ផ្គង់សេវាកម្មពន្ធដារពីបុគ្គលដែលពុំមែនជាភ្នាក់ងារសេវាកម្មពន្ធដារ ដែលធ្វើអាជីវកម្មភ្នាក់ងារសេវាកម្មពន្ធដារដោយគ្មានអាជ្ញាប័ណ្ណគឺខុសច្បាប់។ ដូច្នេះ សូមអតិថិជនទាំងអស់ ជ្រាបជាដំណឹង។
• រវាងក្រុមហ៊ុនយើងខ្ញុំ និងក្រុមហ៊ុនភ្នាក់ងារសេវាកម្មដែលមានអាជ្ញាប័ណ្ណដូចគ្នា៖
  • ទោះបីយើងជាភ្នាក់ងារសេវាកម្មដូចគ្នា មានអាជ្ញាប័ណ្ណដូចគ្នា និងមានការផ្គត់ផ្គង់សេវាកម្មពន្ធដារដូចគ្នាក៏ពិតមែន ប៉ុន្តែបេះដូងរបស់យើងមិនដូចគ្នាទាំងស្រុងទេ។ យើងខ្ញុំផ្តោតសំខាន់ទៅលើដំណោះស្រាយបញ្ហា ភាពត្រឹមត្រូវ ពេលវលា និងការទទួលខុសត្រូវ ជាចំណុចអត្ថិភាព ហើយអ្វីដែលសំខាន់គឺអ្វីដែលយើងខ្ញុំនិយាយ យើងខ្ញុំនឹងធ្វើឲ្យបាន។ 
• អតិថិជននឹងអស់កង្វល់អំពីការអនុវត្តន៍កាតព្វកិច្ចសារពើពន្ធមិនត្រឹមត្រូវ បន្ទាប់ពីទទួលការផ្គត់ផ្គង់សេវាកម្មពន្ធដារពីខាងក្រុមហ៊ុនយើងខ្ញុំ។
• អតិថិជននឹងទទួលបានការពិគ្រោះយោបល់ដោយឥតគិតថ្លៃទាក់ទងនឹងកិច្ចការពន្ធដារ និងការចុះបញ្ជីអាជីវកម្មប្រកបដោយវិជ្ជាជីវៈ និងសុច្ចរិតភាព ពីក្រុមហ៊ុនយើងខ្ញុំ។
• ចំណេញពេលវេលា និងថវិកា ជាមួយការផ្គត់ផ្គង់សេវាកម្មពីខាងក្រុមហ៊ុនយើងខ្ញុំ។
• យើងខ្ញុំធានាថាការប្រកាសពន្ធរបស់ក្រុមហ៊ុនលោកអ្នកត្រូវបានរៀបចំយ៉ាងត្រឹមត្រូវ និងទាន់ពេលវេលា។
• អតិថិជននឹងទទួលបានការពន្យល់ក្បោះក្បាយអំពីរបៀប និងមូលហេតុដែលពន្ធកើតឡើងពីខាងក្រុមហ៊ុនយើងខ្ញុំ។ 

គោលដៅ

• ផ្តល់សេវាផ្សេងៗដល់អ្នកជាប់ពន្ធទាក់ទិននឹងកិច្ចការពន្ធដារ និងការចុះបញ្ជីអាជីវកម្មថ្មី ប្រកបដោយវិជ្ជាជីវៈ និងសុចរិតភាព
• សម្របសម្រួលដើម្បីឲ្យអ្នកជាប់ពន្ធអនុវត្តបានត្រឹមត្រូវនូវច្បាប់ និងបទប្បញ្ញត្តិនានាស្តីពីពន្ធដារ
• ជួយអ្នកជាប់ពន្ធឲ្យអនុវត្តកាតព្វកិច្ចសារពើពន្ធបានត្រឹមត្រូវ

បេសកកម្ម

បេសកកម្មរបស់ ក្រុមហ៊ុន រ៉ូយ៉ាល់ ថឺថល ​ថាកស៍ ខនសាល់ធីង ឯ.ក គឺជួយដោះស្រាយបញ្ហាបច្ចេកទេសទាក់ទងនឹងកិច្ចការពន្ធដារ និងការចុះបញ្ជីអាជីវកម្មថ្មី​ ជូនដល់អ្នកជាប់ពន្ធ ព្រមទាំងជួយអ្នកជាប់ពន្ធឲ្យអនុវត្តកាតព្វកិច្ចសារពើពន្ធបានត្រឹមត្រូវ។

ចក្ខុវិស័យ

ចក្ខុវិស័យរបស់ ក្រុមហ៊ុន រ៉ូយ៉ាល់ ថឺថល ​ថាកស៍ ខនសាល់ធីង ឯ.ក នឹងធ្វើខ្លួនឲ្យក្លាយជាក្រុមហ៊ុនភ្នាក់ងារសេវាកម្មពន្ធដារមួយប្រកបដោយវិជ្ជាជីវៈ និងគុណភាព ដែលត្រូវបានទទួលស្គាល់ដោយអតិថិជន និងអគ្គនាយកដ្ឋានពន្ធដារ នៃព្រះរាជាណាចក្រកម្ពុជា។

គុណតម្លៃរបស់យើងខ្ញុំ

អ្វីដែលយើងខ្ញុំនិយាយគឺយើងខ្ញុំធ្វើឲ្យបាន។